+19 °С
Ясно
СӘЙӘСӘТ
12 Ноября 2018, 10:48
Съезда кемдәр ҡатнаша?
7-8 декабрҙә Мәскәү һәм Красногорск ҡалаларында “Берҙәм Рәсәй” партияһының VIII съезы уҙа. Унда киләһе йылдарға өҫтөнлөклө бурыстар, уставҡа үҙгәрештәр, өҫтәмәләр индереү мәсьәләләре ҡараласаҡ.
Күптән түгел партияның Башҡортостандағы төбәк бүлексәһе конференцияһында мөһим сарала ҡатнашасаҡ 20 делегат билдәләнде. Улар – Әлшәй, Баймаҡ, Баҡалы, Балаҡатай, Дүртөйлө, Йәрмәкәй, Ейәнсура, Иглин, Ишембай, Ҡалтасы, Краснокама, Кушнаренко, Мишкә, Салауат, Стәрлетамаҡ, Өфө райондары һәм Күмертау, Межгорье, Өфө ҡалалары вәкилдәре.
– Партия барлыҡҡа килгәндән бирле уның ағзаһы булып, эшендә әүҙем ҡатнаша килдем. Шулай ҙа федераль кимәлдәге бындай съезда тәүге тапҡыр ҡатнашасаҡмын. Әлбиттә, шатмын, – тип тәьҫораттары менән бүлеште Башҡортостан Дәүләт Йыйылышы – Ҡоролтай депутаты Гөлнур Ҡолһарина.
Автор: Р. МУСИНА
