+22 °С
Ясно
СӘЙӘСӘТ
14 Августа 2019, 09:27
Шойгуһыҙ ҡала яҙҙыҡ...
Ул ултырған самолетҡа НАТО истребителе ниңә яҡынлашҡан?
Балтик диңгеҙенең нейтраль һыуҙары өҫтөндә Сергей Шойгу самолетын НАТО истребителе оҙатып йөрөгән. Ул шул хәтле яҡын килгән ки, хатта оборона министры уны фотоға төшөрөп алған. Борттың һаны ла яҡшы күренә.
Элегерәк хәбәр ителеүенсә, истребитель F-18 министрҙың бортына ныҡ яҡынлашырға уйлаған, ләкин самолетты оҙатып килгән Су-27 осоусылары уны ҡыҫырыҡлаған.
НАТО иһә был хәлде союзниктар сигенә яҡын килгән бортты ныҡлап өйрәнергә теләү менән аңлата. Самолеттың кемдеке икәнлеген белгәс тә кире боролғандар, имеш.
Сергей Шойгу Калининградтан Мәскәүгә ҡайтып килгән булған.
