“Себер көсө” декабрҙә үҙ көсөнә инәсәк

Элегерәк Рәсәй Президенты ярҙамсыһы Юрий Ушаков журналистарға Владимир Путин һәм Ҡытай Халыҡ Республикаһы Рәйесе Си Цзиньпин декабрҙә телекүпер режимында Ҡытайға Көнсығыш маршрут буйынса газ ебәреүгә старт бирәсәген әйтте.

Шулай уҡ, ул, тулыраҡ мәғлүмәт һуңыраҡ иғлан ителәсәк, тип өҫтәгән.

"Себер көсө" газүткәргесенең Көнсығыш маршруты буйынса газ ҡыуҙырыу - ике ил етәкселәре тарафынан килешенгән проект. Был - энергетика өлкәһендә Рәсәй-Ҡытай хеҙмәттәшлегенең стратегик проекты. Ул һәр яҡлап хеҙмәттәшлекте тәрәнәйтеү өсөн бик мөһим.

" Проектта ҡаралғанса, ике ил көсө менән газ тапшырыу декабрҙә булыр тип көтөлә. Шуға бәйле рәүештә, проект төҙөлөшө тамамланыуға бағышланған тантаналы сара уҙасаҡ", -тип белдергән брифингта Гэн Шуан.

#Владимир Путин