Дим буйҙары
-28 °С
Болотло
75 лет Победы
Бөтә яңылыҡтар
СӘЙӘСӘТ
13 Декабрь 2019, 12:19

Хирургтарҙың яңы еңеүе

Стәрлетамаҡтар “Һаулыҡ һаҡлау” милли проектының емештәрен күрә башланы.

Яңыраҡ 6-сы ҡала клиник дауаханаһында тәүге тапҡыр бөйөрҙө лапароскопик резекциялау, йәғни шешкән урынды аяулы киҫеп ташлау, операцияһы яһалды. Бында хирургияның ҡатнашы аҙ кимәлдә, яңы эндовидеоскопик комплекс ярҙамында ҙур йәрәхәттәр яһамайынса ауырыуҙың хәлен яҡшыртыу мөмкинлеге бар.

Ошондай уҡ комплекс республика онкология диспансерына “Һаулыҡ һаҡлау” милли проектына ярашлы алынды һәм урология операцияларын башҡарыу өсөн ҡуйылды. Уның эсенә байтаҡ махсус эндохирургик ҡорамалдар инә: эндовидеокамера, монитор, электрохирургик генератор, инсуффлятор һәм башҡа кәрәк-яраҡ.

Белгестәр әйтеүенсә, яңы комплекс хирургияла аҙ уйымлы операциялар яһарға булышлыҡ итәсәк. Шулай уҡ эндохирургия системаһы ярҙамында операциялар һаны артасаҡ һәм дауалау сифаты яҡшырасаҡ.

bash.rbsmi.ru
Читайте нас в