Тыныс хәл итергә теләнек...

Әле Рәсәй Президенты Федераль Йыйылышҡа мөрәжәғәтнамә менән сығыш яһай. Төп тема—махсус операция. Шулай уҡ иҡтисади үҫеш, хәүефһеҙлекте һәм оборонаны тәьмин итеү, халыҡҡа социаль ярҙам күрһәтеү  хаҡында һүҙ бара.

Владимир Путин билдәләүенсә, көнбайыш илдәре Украиналағы сәйәси үлтереүҙәргә, репрессияларға күҙ йомдо, шул уҡ ваҡытта нацистарҙың террор хәрәкәттәрен хупланы. Американың хәрби кампанияһы тәҫирендә миллионға яҡын кеше һәләк булды, 30 миллиондан ашыу кеше ҡасаҡ хәлендә.

—Мәскәү проблеманы тыныс юл менән хәл итеү өсөн барыһын да эшләне, сабыр булды. Әммә беҙҙең артта бөтөнләй икенсе сценарий әҙерләнгән. Улар һуғыш сығарҙы, ә беҙ бөтә көстө уны туҡтатыуға йүнәлтәбеҙ. Эҙмә-эҙлекле артабан да проблеманы хәл итәсәкбеҙ,—тине В.В.Путин.