+17 °С
Дождь
СПОРТ
17 Сентября 2018, 16:59
Иң көслөләр еңеүгә иреште
Йылбулаҡтамаҡ ауылы урта мәктәбенeң футболсыларҙың үҫмерҙәр командаһы дәрәжәле турнирҙарҙа ҡатнашасаҡ
Районда йәштәр мөхитендә мини-футбол спорт уйынының популярлығы артыуы шатландыра. Был етеҙлек талап итеүсе һәм мауыҡтырғыс уйын күптәрҙе йәлеп итә.
«Елкән» физкультура-һауыҡтырыу комплексының яңыртылған hәм кyп функциялы спорт майҙансығында 12 мәктәп командаһы араһында мини-футбол буйынса район турниры уҙҙы. Уйындар олимпия системаһы буйынса барҙы: еңелдеңме — уйындан сығаһың. Еңеүҙе Йылбулаҡтамаҡ ауылынан уйнарға оҫтарып бөткән hәм тырыш футболсылар яуланы. Икенсе урын Айыт командаһында, өсөнсө — кушйылғалыларҙа. Призерҙарҙы диплом hәм миҙалдар менән бүләкләнеләр, ә еңеүселәргә күсмә кубок эләкте. Еңеүсе команда район намыҫын БР hәм РТ халыҡ артисы Айҙар Ғәлимов призына үҫмерҙәр араһында мини-футбол буйынса Х республика турнирында яҡлаясаҡ. Әлеге ярыштар 23 сентябрьҙә Стәрлетамаҡ ҡалаһында уҙасаҡ.
Владимир СМОЛОВ.
Автор фотоһы.
