+19 °С
Ясно
СПОРТ
31 Января 2019, 09:04
«Рәсәй саңғы юлы» ярышында
9 февралдә Өфөлә, «Аҡбуҙат» ипподромында «Рәсәй саңғы юлы-2019» Бөтә Рәсәй асыҡ саңғы ярышы уҙа. Сараны баш ҡаланың Физик культура һәм спорт идаралығы, Спортты үҫтереү үҙәге һәм Октябрь районы хакимиәте ойоштора.
«Рәсәй саңғы юлы»нда табиптың рөхсәт ҡағыҙын алған һәр кем ҡатнаша ала.
Белем биреү учреждениелары (малайҙар, ҡыҙҙар), урта махсус һәм юғары уҡыу йорттары (егеттәр, ҡыҙҙар), хеҙмәт коллективтары хеҙмәткәрҙәре (ирҙәр, ҡатын-ҡыҙҙар) араһында бөтәһе ете старт бирелә.
Еңеүселәр һәм призерҙар грамоталар, миҙалдар һәм кубоктар менән бүләкләнә.
Ҡатнашыу өсөн ғаризаны район хакимиәттәрендә яҙырға мөмкин, унда йәки ярыштар уҙғарылған урында старттан ике сәғәт алда старт номерҙарын һәм фирма башлыҡтарын биреү ойошторола.
Ярыштарҙы асыу тантанаһы көндөҙгө сәғәт 12-лә башлана.
