Боҙҙа - мосолман кейемендәге ҡыҙ

Был Красноярскиҙа үткән Универсиадала булған. Ун йыл даими тренировкаларҙа булған ҡыҙға ғаиләһендәге аңлашылмаусанлыҡтар, бюрократик ҡаршылыҡтар һәм ҡырын ҡараштар аша үтергә тура килә.

Үҙ илендә уның ни бары бер нисә генә боҙ майҙансығы бар. Шуларҙың береһе — иң яҡшыһы Лариның атаһы аҡсаһына асылган. Ул — нефть миллионеры һәм бизнесмен. Ҡыҙын бик ярата һәм уның ҡышҡы Олимпия уйындарында был илдән тәүге ҡатнашыусы булырына ышана. Үҙе асҡан спорт клубына ул элек бик билдәле Рәсәй фигурисы Александра Иевлеваны тренер итеп саҡырған.

Әлегә Захраның сығыштары бик йомшаҡ. Ләкин барыһы да алда!