Вести.ru мәғлүмәттәре буйынса, тәүҙә Елистратов 1000 метр арауыҡта, Көньяҡ Корея оҫталары — Лим Хё Чжундан һәм Хван Дэ Хондан ҡалышып, өсөнсө урынды алды. Һуңынан спортсы 3000 метр арауыҡта «көмөш» яуланы. Еңеүсе — Кореянан Лим Хё Чжун. Бронза наградаға Кейт Втанабе (Япония) лайыҡ булды.
Рәсәйҙең ҡатын-ҡыҙҙар йыйылма командаһы — Екатерина Ефременкова, Екатерина Константинова, Эмина Малагич һәм Софья Просвирнова 3000 метрлыҡ эстафетала көмөш миҙал яуланы. Был юлы Көньяҡ Корея спортсылары еңде. Өсөнсө һөҙөмтә — Канада командаһында.