Башҡорт егете донъя чемпионатында...

Беҙҙекеләр 14 алтын, дүрт көмөш, дүрт бронза һәм һөнәри оҫталыҡ өсөн 25 медальон менән бүләкләнде. Тәүге урынды Ҡытай командаһы яулаһа, Көньяҡ Корея өсөнсөгә сыҡты.

Абруйлы чемпионатта Сибай студенты Илмир Сәйетбатталов Рәсәй йыйылма командаһы составында һөнәри оҫталығы буйынса 25 медальондың береһен яуланы. Ул 710 мәрәй йыйҙы.

Илмир "Ташты архитектур эшкәртеү" компетенцияһында ҡатнашты. Был беҙҙең илдә һирәк һөнәрҙәрҙең береһе. Башҡорт егете былтыр Краснодарҙа үткән V милли чемпионатта еңеп сыҡҡайны, Францияла уҙғарылған бәйгелә лә ҡатнашты.

Һөнәри оҫталыҡ буйынса WorldSkills донъя чемпионаты Рәсәйҙә тәүге тапҡыр үтте. Унда 63 илдән 1354 кеше көс һынашҡан. Дүрт көн дауамында 56 төр ярыш уҙған.

https://bash.rbsmi.ru