Рәсәй Федерацияһы президенты Указы менән Башҡортостандың спорт мәктәптәре тренерҙары һәм етәкселәре 2020 йылда Токиола уҙған XXXII Олимпиадала, XVI Паралимпия йәйге уйындарында юғары ҡаҙаныштарға өлгәшкән спортсылар әҙерләгәне өсөн орден-миҙалдар менән бүләкләнде.
Өфөнөң 31-се спорт мәктәбе тренеры Ольга Байракова, «Салауатинвест» яуаплылығы сикләнгән йәмғиәтенең йөҙөү буйынса тренеры Фәнил Кирәев, Башҡортостан Республикаһы Паралимпия резервындағы спорт адаптив мәктәбенең адаптив физик культура буйынса тренер-уҡытыусылары Гүзәл Тверякова, Сергей Трухачев, Хәлил Шаммасов Дуҫлыҡ орденын алды.
Өфөнөң фехтование буйынса олимпия резервындағы спорт мәктәбе директоры Лира Грушина, «Урал» профессиональ спорт волейбол клубы» ойошмаһының баш тренеры Игорь Шулепов I дәрәжә «Ватан алдындағы хеҙмәттәре өсөн» орденының миҙалына лайыҡ булды.
Өфөнөң фехтование буйынса олимпия резервындағы спорт мәктәбе тренеры Фәрит Арыҫланов, Өфөнөң еңел атлетика буйынса 21-се олимпия резервындағы спорт мәктәбе тренеры Борис Афанасьев, Стәрлетамаҡтың 2-се балалар-үҫмерҙәр спорт мәктәбе директоры Александр Живаев II дәрәжә «Ватан алдындағы хеҙмәттәре өсөн» орденының миҙалы менән бүләкләнде.
Сығанаҡ: https://bash.bashinform.ru