Эттәрҙә лә йөрөргә була

Сибай ҡалаһынан алыҫ түгел урынлашҡан Ибраһим быуаһы ярында шәхси эшҡыуар Наилә Рәхмәтуллина етәкселегендә “Сайран” ял базаһы уңышлы эшләй. Туристик объекттың үҫешенә күп осраҡта “Һөҙөмтәле һәм конкурентлы иҡтисад” милли проекты (национальный проект ”Эффективная и конкурентная экономика”) сиктәрендә алынған грант булышлыҡ итә.

“Сайран” ял базаһы - ул ҡала шау-шыуынан ял итергә һәм тәбиғәт менән һоҡланырға теләүселәр өсөн идеаль урын. Бында уңайлы һәм онотолмаҫ ял итеү өсөн кәрәкле бөтә нәмәне табырға мөмкин. Ял көндәрендә эттәр менән күңел асыу һәм бананда йөрөү ҡаралған. Көн һайын тау һәм һырғалаҡ эшләй.

Ял базаһы даими рәүештә төрлө саралар уҙғара. Яңыраҡ ҡына бында Раштыуа байрамында уйындар, бейеүҙәр, конкурстар һәм викториналар ойошторолдо. Байрам хөрмәтенә “Маскарад” иғлан ителде, унда иң яҡшы костюм өсөн бүләк ҡаралғайны. Февралдә “Сайран” базаһында “Хаски-2025” фестивале үтәсәк.

"Әгәр көнкүреш мәшәҡәттәренән ял итеү теләге бар икән, бында йәмле тирмәләрҙә ял итергә, саф һауала бик күп әүҙемлектәр менән һоҡланырға һәм “Сайран” кафеһында тәмле ризыҡтарға заказ бирергә мөмкин. Ә хаски эттәре менән йөрөп килеү иһә онотолмаҫ тәьҫораттар һәм ҡышҡы урмандың тыныслығы бүләк итәсәк. Ошо эттәр менән бергә күл буйлап бер нисә сәғәт шыуырға мөмкин”, - тип билдәләнеләр Сибай хакимиәтендә.

Фото: Сибай ҡалаһы хакимиәте. 

bashgazet.ru