Дим буйҙары
-22 °С
Болотло
75 лет Победы
Бөтә яңылыҡтар
ЙӘМҒИӘТ
2 Июль 2018, 11:54

Башҡортостан – бәпесләү иҫәбе буйынса Волга буйы федераль округы лидеры

2017 йылғы йомғаҡтар буйынса Волга буйы федераль округының 14 төбәге араһында Башҡортостанда иң күп – 47,7 меңдән ашыу бәпес донъяға килгән. Икенсе урынды Татарстан биләй – 47,3 мең, өсөнсө урында – Түбәнге Новгород өлкәһе, унда 35,2 мең бала тыуған, тигән мәғлүмәт килтерҙе Өфөлә үткән әсәлек һәм балалыҡты һаҡлау мәсьәләләре буйынса округ кәңәшмәһендә Рәсәй Һаулыҡ һаҡлау министрлығының Волга буйы федераль округындағы төп штаттан тыш акушер-гинекологы Илдар Фәтҡуллин.

«Башинформ» агентлығы хәбәр иткәнсә, ағымдағы йылдың ғинуар-апрелендә республикала 15,2 меңдән күберәк сабый донъяға килгән. Был һан уҙған йылғынан аҙыраҡ, былтыр ошо уҡ осорҙа 616 балаға күберәк тыуған. Белгестәр тыуым кимәленең төшөүен бала табыу йәшендәге ҡатындарҙың кәмеүе һәм юғары социаль яуаплылыҡ менән аңлата.

Шуға ҡарамаҫтан, Илдар Фәтҡуллин хеҙмәт ойоштороусыларын йөклө ҡатындарҙың һәм яңы тыуған сабыйҙарҙың маршрутизацияһын башҡарырға, ҡарындағы бала үҫешендә тыумыштан килгән ауырыуҙы ваҡытында диагностикаларға, клиник кәңәштәрҙе үтәргә саҡырҙы.

Билдәләп үтергә кәрәк, Башҡортостанда өс кимәлле медицина ярҙамы күрһәтеү системаһы булдырылған. Беренсе кимәлдә – 42, икенселә – 17 һәм өсөнсөлә 4 бүлексә эшләй. Республика һәм 10 район-ара перинаталь үҙәгенең, ике бала табыу йортоноң, 35 ҡатын-ҡыҙҙар консультацияһының эше ойошторолған.