Дим буйҙары
+15 °С
Болотло
Бөтә яңылыҡтар
ЙӘМҒИӘТ
2 Июль 2018, 11:34

Республикала «Берҙәм Рәсәй» парламент депутатлығына кандидатулар билдәләне

Башҡортостанда «Берҙәм Рәсәй» партияһы төбәк бүлексәһенең конференцияһы уҙҙы, унда партия ағзалары Башҡортостандың алтынсы саҡырылыш Дәүләт Йыйылышы – Ҡоролтайға һайлауға үҙ кандидатураларын тәҡдим итте. Конференцияны партияның төбәк бүлексәһе Секретары, Башҡортостан Дәүләт Йыйылышы Рәйесе Константин Толкачев алып барҙы. 30 июндә үткән конференция эшендә бөтәһе 220-нән ашыу делегат ҡатнашты, тип хәбәр иттеләр партияның матбуғат хеҙмәтендә.


Кандидаттарҙың исемлеге йәшерен тауыш биреү йомғаҡтары буйынса төҙөлгән. Берҙәм һайлау округы буйынса дөйөм республика исемлеген төбәк Башлығы Рөстәм Хәмитов етәкләй. Шулай уҡ тәүге өсәүгә Башҡортостан Дәүләт Йыйылышы депутаты Оксана Савченко һәм Өфө хакимиәте башлығы Ирек Ялалов ингән.

Төбәк төркөмөндә тағы 165 кеше, шул рәүешле исемлектә 168 кандидат иҫәпләнә. Тағы 55 кеше бер мандатлы һайлау округы буйынса тәҡдим ителгән.

Хәтерегеҙгә төшөрәбеҙ, 3 июндә Башҡортостанда депутаттар һайлауға тәҡдим итеү өсөн партиянан кандидаттарҙы билдәләү буйынса «Берҙәм Рәсәй» партияһы алдан тауыш биреү уҙғарҙы. Төбәктең закондар сығарыу йыйылышына депутаттар һайлау 2018 йылдың 9 сентябренә билдәләнгән. Республика халҡы 110 депутат һайлаясаҡ. Шул уҡ ваҡытта уларҙың яртыһы – бер мандатлы округ буйынса, ҡалған 55-е берҙәм һайлау округы буйынса һайлана.
Читайте нас: