Дим буйҙары
+10 °С
Болотло
Баш
Чув
Тат
Рус
Бөтә яңылыҡтар
ЙӘМҒИӘТ
9 Июль 2018, 22:49
Республикала яңы награда – «Башҡорт халыҡ геройы» миҙалы барлыҡҡа киләсәк
Башҡортостанда яңы награда – «Башҡорт халыҡ геройы» миҙалы барлыҡҡа киләсәк. Бөтә донъя башҡорттары ҡоролтайы награданың иң яҡшы эскизын уйлап сығарыуға асыҡ конкурста ҡатнашырға саҡыра. Йәмәғәт наградаһын ойоштороу тураһында ҡарар 28 июндә Бөтә донъя башҡорттары ҡоролтайы Башҡарма комитеты ултырышында ҡабул ителде.
«Башҡорт халыҡ геройы» тигән маҡтаулы исем Ҡоролтайҙың граждандарҙы башҡорт халҡы алдында айырым ҙур ҡаҙаныштары, дәүләт һәм йәмәғәт эшмәкәрлегендәге айырым ҡаҙаныштары, халыҡтар араһында татыулыҡты, дуҫлыҡты һәм хеҙмәттәшлекте нығытыуҙағы ҡаҙаныштары, башҡорт халҡын яҡлау эшендә батырлыҡ, ҡыйыулыҡ һәм ҡаһарманлыҡ күрһәткәне һәм дәүләт, республика һәм башҡорт халҡы алдында башҡа ҡаҙаныштары өсөн иң юғары бүләкләү формаһы буласаҡ. Маҡтаулы исемде үлгәндән һуң да бирергә мөмкин», — тип хәбәр иттеләр Башҡарма комитетында.
Конкурста ҡатнашыуға художество һәм аң-белем таратыу эшмәкәрлеген алып барған юридик һәм физик шәхестәр, шул иҫәптән ижади коллективтар, инициативалы төркөмдәр һәм ойошмалар саҡырыла.
Конкурс еңеүсеһе менән миҙал эшләгәндә автор килешеүе төҙөлә. Конкурс эштәре 2018 йылдың 1 октябренә тиклем электрон формала «Башҡорт халыҡ геройы» миҙалын уйлап сығарыу буйынса конкурс» билдәһе менән
[email protected]
адресына ҡабул ителә.
Миҙалдың иң яҡшы эскизын һайлау тураһында һуңғы ҡарар көҙгөһөн Бөтә донъя башҡорттары ҡоролтайы Башҡарма комитеты ултырышында асыҡ тауыш биреү юлы менән ҡабул ителә. Конкурс һөҙөмтәләре тураһында хәбәр Бөтә донъя башҡорттары ҡоролтайының рәсми сайтында, шулай уҡ «Бәйләнештә» һәм Facebook социаль селтәрҙәрендә «Ҡоролтай» төркөмдәрендә урынлаштырыласаҡ.
Читайте нас: