+15 °С
Болотло
ЙӘМҒИӘТ
16 Июль 2018, 11:18
Быйыл Өфөлә популяр исемдәр: Әмир һәм София
Быйыл Өфөнөң Дим районында ғына 612 сабый донъяға килгән. Уларҙан 311-е – малай, 301-е — ҡыҙ. Райондың ЗАГС бүлеге белгестәре билдәләүенсә, 10 ғаилә игеҙ балаларға бәхетле ата-әсә булды.
«265 ғаиләлә беренсе сабыйҙары тыуҙы, 243 ғаиләлә икенсе балалары донъяға килде, 74-ендә - өсөнсө, 18-ендә – дүртенсе һәм унан һуңғы бала», — тип хәбәр иттеләр Дим районы ЗАГС-ында.
Әмир малайҙар өсөн иң популяр исем булды. Артабан килә Асҡар, Даниил, Кирил. Ҡыҙҙарға, быға тиклемге кеүек, София, Милана, Анна һәм Виктория тип ҡушалар. Һирәк исемдәр: Ян, Яков, Юлай, Эрик, шулай уҡ Юлиә, Юлиана, Эсмира, Эмма.
