Волонтерҙар барыһын да булдыра

Акцияның маҡсаты – Рәсәйҙә экология волонтерлыҡ хәрәкәтен үҫтереү, социаль экологик проекттарҙы тормошҡа ашырыуға йүнәлтелгән инициативаларына ярҙам күрһәтеү, хәйриәселек идеяларын үҫтереү. Акцияға балалар, йәштәр, өлкән йәштәгеләр, ойошмалар һәм коллектив ғаризалар ҡушыла. Ойоштороу комитеты шәхси һәм коллектив ғаризалар ҡабул итә.

Акция түбәндәге номинациялар буйынса үткәрелде: “Волонтерҙар донъяны үҙгәртәсәк” проекттар, рәсемдәр һәм фотолар конкурсы (объекттарҙың акцияға тиклемге һәм унан һуңғы фотографияһы, ҡулланылған материалдан яһалған әйберҙәр фотографияһы һ.б.), лагерҙарҙа балалар экология сменалары. Региондарҙа Федерацияя Советы ағзалары ҡатнашлығында балалар экология форумдары (тура бәйләнеш һ.б.). Проекттар конкурсы “Экологик һуҡмаҡтар буйлап барайыҡ” (экологик һуҡмаҡтарҙы тикшереү, ярҙам итеү, ошо йәһәттән эш алып барыу), “Тәбиғәткә зыян һалыуға ЮҠ тип әйтәйек” (экопатруль, экомониторингтар ойоштороу һәм үткәреү), “ Сәскә атыусы планета” (сәскә түтәлдәрен тикшереү, уны ойоштороуҙа эшмәкәрлек, йорт тирәләрен төҙөкләндереү), “Сүпте кире эшкәртеүгә тапшырабыҙ” (ҡалдыҡтарҙы айырым йыйыуҙы ойоштороу һәм ярҙам итеү. Халыҡҡа экологик белем биреү), “Волонтерҙар ярҙамға ашыға” (балалар баҡсаларында, ҡарттар йорттарында ирекмәндәр ярҙамы, инвалидтарға, күп балалы ғаиләләргә ярҙам һ.б.), “Тәбиғәт музыкаһы” (үҙең яҙған музыкаль инша, ҡош, урман тауыштарын өйрәнеү буйынса эшсәнлек һәм проект материалдарын экологик белем биреүгә ҡулланыу), “Ватан геройҙары” (ҡәберлектәрҙе ҡарап тотоу, геройҙарҙың ата-әсәләренә ярҙам һ.б.), Изгелек ул – һаңғырау ишетә һәм һуҡыр күрә ала торған әйбер (эссе, шиғыр, хикәйәләр), “Беҙҙең кескәй дуҫтарыбыҙ“ (хайуандар тураһында ҡайғыртыуға бәйле эш алып барыу) номинацияларында билдәләнәсәк.

“Волонтерҙар барһын да булдыра” Бөтә Рәсәй экологик акцияла ҡатнашыу өсөн ижади эштәрҙе, фото һәм видеоматериалдарҙы [email protected] электрон почта адресына ебәрергә кәрәк. Эштәр ойоштороусылар сайтына ҡуйыласаҡ. Ҡатнашыусыларҙы теркәү 2018 йылдың 1 ноябренә тиклем дауам итә, еңеүселәрҙе ҡотлау декабрҙә Мәскәү ҡалаһында Федерация Советында буласаҡ.