Дим буйҙары
-21 °С
Болотло
75 лет Победы
Бөтә яңылыҡтар
ЙӘМҒИӘТ
26 Июль 2018, 13:06

Изгелек һәм шәфҡәтлетлелек байрамы

Рәсәйҙең социаль хеҙмәте 100-йыллығын билдәләй

Быйыл Рәсәй социаль хеҙмәт формалашыуға 100 йыл тула. 1918 йылда Халыҡ комиссарҙары Советы ҡаршыһында Халыҡ комиссариаты булдырыла, ул төп туйындырыусылары фронтҡа алынған ғаиләләргә паек биреү, һуғышта ғәрипләнеүселәргә пенсия билдәләү менән шөғөлләнгән.

Әлеге әһәмиәтле датаға бәйле рәүештә, Бишбүләк мәҙәниәт һарайында ҙур тантаналы сара уҙҙы. Фойела райондың социаль тармағы уңыштары күргәҙмәһе ҡуйылғайны. Фотографиялар буйынса район социаль тармағының эшен һәм был йәһәттән уҙғарылған тантаналарҙы күҙәтергә мөмкин ине. Осрашыу кисәһенең ҡунаҡтары гүмерҙәрен ошо эшкә бағышлаған ветерандар һәм бөгөн дә райондың социаль тармағында эшләүселәр булды. Үҙҙәренең юбилейҙарын билдәләүсе ғаиләләр, хәйриәлек менән шөғөлләнеүселәр ҙә сағырылғайны. Шулай уҡ баш ҡаланан маҡтаулы ҡунаҡтар Республика Башлығы ярҙамсыһы Салауат Харасов, Башҡортостан Республикаһы Дәүләт Йыйылышы – Ҡоролтай депутаттары Николай Никитин менән Илдус Ғүмәров ҡатнашты.

Район хакимиәте башлығы Наил Ғатауллин районда халыҡты социаль яҡлау системаһының барлыҡҡа килеү тарихына ҡағылып үтте, райондың социаль кереме һәм роле тураһында һөйләне.

Халыҡты социаль яҡлау системаһы заманса этапта үҙ эсенән социаль тәьминәт, социаль страхование һәм социаль ярҙамды ала. Беҙҙең районда әлеге өлкә Пенсия фонды Идараһын, Халыҡ мәшғүллеге үҙәген, балалар һәм үҫмерҙәр өсөн социаль приютты, ҡарттар һәм инвалидтар йортон. Коммерция булмаған “Оҙон ғүмер” ойошмаһын, “Ғаилә” көнбайыш төбәк-ара Дәүләт бюджет учреждениеһының Бишбүләк районы буйынса бүлексәһен үҙ эсенә ала.

Шулай уҡ район хакимәте башлығы социаль тармағы ойошмалары бер урында ғына тормай, уларҙың хеҙмәт спекторы киңәйә, тип билдәләне. Барыһын да байрам менән ҡотлап, ул район етәкселеге халыҡтың яҡланмаған ҡатламына ярҙам күрһәтеү эшендә алға таба ла ярҙам итәсәк, тип һыҙыҡ өҫтөнә алды.

Сарала хөрмәткә лайыҡ ветерандарҙы, әле лә арымай-талмай хеҙмәт итеүселәрҙе, шулай уҡ оҙаҡ йылдар дауамында балалар һәм үҫмерҙәр социаль приютына, ҡарттар һәм инвалидтар йортона ярҙам күрһәткән бағыусыларға Маҡтау грамоталары һәм Рәхмәт хаттары тапшырырылды. Улар адресына бик күп йылы һүҙҙәр әйтелде. Район хакимиәте исеменән Рәхмәт хатын тапшырыу өсөн сәхнәгә Рәсәй Эске Эштәр министрлығының Бишбүләк районы буйынса Туймазы нефть идараһының “Шкапово” нефть ҡыуыу станцияһы, идараһының “ҡотҡарыу-БСМК” Башҡортостан филиалы филиалы вәкилдәрен, Сергей Михайлов крестьян-фермер хужалығы етәксеһен саҡырғайныылар. Никахта 50 һәм 60 йыл йәшәүсе ғаиләләргә айырым рәхмәт һүҙҙәре әйтелде. “Мөхәббәт һәм тоғролоҡ өсөн” миҙалы менән Каменка ауылынан Гурьяновтар ғаиләһен ҡотланылар. Улар никахта 40 йыл, биш бала тәрбиәләп үҫтергән. Бишбүләк ауылынан Ғабдрахмановтар. Иттихат ауылынан Ғимазовтар алтын парҙар булды. Тыумыштары менән Александровка ауылынан булған Иосиф Ефремович менән Ирина Борисотарҙың ғаилә стажы ҙур, улар бриллиант юбиляр булды.

Наталья Минаева,

Олег Леонтьев фотоһы.