Дим буйҙары
+26 °С
Болотло
Бөтә яңылыҡтар
ЙӘМҒИӘТ
14 Август 2018, 09:57

Ремонтты ваҡытында тамамлаясаҡтар

Бишбүләк ауылы «Торнаҡай» балалар баҡсаһы балаларҙы яңыртылған бинала ҡаршы аласаҡ

- Йыл һайын үткәрелә торған ремонт эштәренә 26 хеҙмәткәрһәм техник персоналдан торған ҙур булмаған, әммә татыу коллектив бер ай элек тотонғайны, — ти, яңы буяу еҫе аңҡып торған йоҡо бүлмәләре менән балалар уйын бүлмәләрен күрһәтеп, «Журавушка» балалар баҡсаһы мөдире Рәзилә Зарипова. — Ағымдағы ремонтты башҡарыу өсөн барыһы ла бар, тәү сиратта, беҙгә ата-әсәләр комитеты йыйған аҡса ярҙам итә. Балаларҙы ҡабул итеүгә беҙгә бәйле эштәрҙең барыһын да эшләйәсәкбеҙ.Балалар баҡсаһының рәсми асылыуы — 1 сентябрь.

Әлеге мәктәпкәсә балаларға белем биреү учреждениеһында өсөнсө аҙна канализацияны йүнәтеү буйынса капиталь ремонт бара. Был ҙур көс талап итә торған эште Ирек Зәлилов етәкселегендәге «Стройсервис» йәмғиәте башҡара.

- Төҙөүселәр бригадаһының эш күләме ҙур. Әммә билдәләнгән срокка улар ҡуйылған бурыстарын башҡарып сығасаҡ. Беҙ быны ышаныс менән әйтәбеҙ, сөнки төҙөүселәрҙең абруйы яҡшы: улар бер ай элек «Йылмаю» балалар баҡсаһының дауылдан зыян күргән түбәһен ремонтлағайны. Беҙ ике ҡаттың да туалеттарында, йыуыныу бүлмәләрендә, аҙыҡ-түлек блогында hәм кер йыуыу бүлмәһендә санитар узелын алыштырырға планлаштырғайныҡ, — тип һүҙ ебен ялғай балалар баҡсаһы ҡаттары буйлап экскурсияны дауам итеүсе Рәзилә Зариф ҡыҙы. — Балалар баҡсаһының ике ҡатлы бинаһы 1977 елда төҙөлгән, шуға күрә канализация системаһы яраҡһыҙға әйләнде. Төҙөүселәр аҙыҡ-түлек блогында, йыуыныу һәм туалет бүлмәләрендә кафель плитәләре йәбештерәсәк. Төҙөүселәр артынан штукатурка эштәрен hәм йыуыу-йыйыштырыу, стеналарҙы, торбаларҙы, плинтустарҙы буяу эштәрен үҙебеҙҙең хеҙмәткәрҙәребеҙ башҡарасаҡ.

Владимир СМОЛОВ.

Автор фотосы.
Читайте нас: