Өфөлә «Ирекмән-2018» конкурсы уҙғарыла

Проект башланғандан алып Өфөлә йәшәгән 1,5 меңдән ашыу кеше ирекмәндәр хәрәкәтенә ҡушылған.

Быйыл көҙ, 29 ноябрҙә, Башҡортостандың баш ҡалаһында «Ирекмән-2018» ҡала конкурсының гала-концерты һәм Ирекмән (Волонтер) йылын ябыу сараһы була. Тантаналы өлөш Ҡала мәҙәниәт һарайында уҙа.

«Жюри сифатында Башҡортостан Дәүләт Йыйылышы — Ҡоролтай, Өфө ҡалаһы ҡала округы Советы депутаттары, республика Йәмәғәт палатаһы ағзалары, төрлө министрлыҡ һәм ведомство етәкселәре, йәмәғәт һәм хәйриә ойошмалары вәкилдәре һәм башҡа эксперттар сығыш яһай», — тип хәбәр итте ойоштороусылар Өфө хакимиәтенең Йәштәр эштәре буйынса комитетынан.

Тулыраҡ мәғлүмәт комитеттың «Бәйләнештә»ге рәсми төркөмөндә.

Читайте нас