Дуҫлыҡ монументы эргәһендә ер аҫты йәйәүлеләр үткәүеле

Өфөлә Дуҫлыҡ монументы эргәһендә транспорт хәрәкәтен үҙгәртеү күҙаллана. Атап әйткәндә, йәмәғәт транспорты туҡталышы эргәһендәге светофорҙы бөтөрөү. Юлдар һәм яһалма ҡоролмалар төҙөү, ремонтлау идаралығы етәксеһе Радмила Мөслимова һүҙҙәренсә, проект эшләнгән һәм тормошҡа ашырыуға әҙер.

«Был участканы планлаштырыу проекты менән транспорт ағымын бүлеү маҡсатында Сочи урамы башында юл төҙөү ҡаралған. Әле бер кимәлдә хәрәкәт ойоштороу ҡарала. Шул уҡ ваҡытта Дуҫлыҡ монументынан Сочи урамы аша төҙөлөп ятҡан яр буйына сығыу өсөн ер аҫты үткәүеле проектланған. Ул светофор ярҙамында көйләүҙе бөтөрөргә мөмкинлек бирәсәк», — тип билдәләне чиновник.

Төҙөлөш-монтаж эштәренең хаҡы 142 миллион һум тәшкил итә.

Читайте нас