«Башҡортостан» милли паркында - семинар

Башҡортостанға һигеҙ Рәсәй белгесе, улар араһында PR-белгестәр, фотографтар, журналистар һәм юристар, шулай уҡ Мәскәү өлкәһенән Алтай крайына тиклем илдең төрлө мөйөшөнән 24 тәбиғәтте һаҡлау ойошмаһынан ҡатнашыусылар килә.

Ҡурсаулыҡтар һәм милли парктар өсөн smm-стратегия әҙерләү; мәғлүмәт һәм реклама текстарын яҙыу; фото төшөрөү нигеҙҙәре һәм автор хоҡуғы; киң мәғлүмәт саралары менән һөҙөмтәле үҙ-ара эш итеү буйынса практик һәм теоретик дәрестәр биш көн дауам итә.

Шулай уҡ семинарҙа ҡатнашыусыларҙы тейелмәгән һуҡмаҡтар буйынса сәйәхәт, ботаника һәм тау экскурсиялары, Башҡортостан халыҡтарының милли ризыҡтары һәм мәҙәниәте менән таныштырыу көтә.