республиканың 100 йыллығына «Башҡортостан тарихы биттәре» марафоны дауам итә

2 октябрҙә Хөсәйен Әхмәтов исемендәге Башҡорт дәүләт филармонияһында Башҡортостан Республикаһы Мәҙәниәт министрлығы булышлығында Бөрйән районы менән таныштырыу уҙа.

Сара программаһында – ойошмалар, предприятиелар һәм учреждениелар, халыҡ кәсептәре, декоратив-ҡулланма сәнғәте, сувенирҙар, умартасылыҡ продукттарын һатыу һәм милли аш-һыу күргәҙмәләре.

Программа район коллективтары һәм урындағы һәүәҫкәр артистар ҡатнашлығында ҙур концерт менән тамамлана. Киске сәғәт 7-лә башлана.

Шулай уҡ байрам сиктәрендә көндөҙгө сәғәт 2-лә филармония алдындағы майҙанда бал йәрминкәһе ойошторола. Барлыҡ теләүселәрҙең төрлө бөрйән балын һәм умартасылыҡ продукттарын һатып алыу мөмкинлеге була.