Өфөлә эшләүсе халыҡҡа демографик йөкләмә артҡан

Өфөлә һуңғы 38 йыл эсендә эшкә һәләтле халыҡҡа демографик йөкләмә байтаҡҡа артҡан. Ошо хаҡта Өфө хакимиәтенең дәүләт статистикаһы бүлеге етәксеһе Оксана Даянова хәбәр итә.

Эшкә һәләтле йәштәге 1000 кешегә 1979 йылда 500 эшкә һәләтһеҙ кеше тура килгән, ә 2017 йылда – 683 кеше. Уларҙың күпселек өлөшө – ҡатын-ҡыҙҙар.

Өфөлә көтөлгән ғүмер оҙонлоғо 2017 йыл мәғлүмәттәре буйынса 73 йәштән саҡ күберәк тәшкил итә. Ирҙәр өсөн һуңғы йылдарҙа ғүмер оҙонлоғоноң артыуы күҙәтелә: +3,7 йыл, ҡатын-ҡыҙҙар +2,7 йыл.

Ҡалала халыҡтың үлеме кәмей: 2000 йылда был күрһәткес 1000 кешегә 12,3 процент тәшкил иткән, 2017 йылда – 10,8.

Эшкә һәләтлеләр иҫәбенән 2000 йылда 3833 кеше үлгән (һәр өсөнсө), 2017 йылда – һәр дүртенсе. Эшкә һәләтле йәштәге үлгән граждандар араһында 70 процентҡа яҡыны ирҙәр.

2017 йылға мәғлүмәттәр буйынса, Өфөлә 1 миллион 131 мең кеше йәшәй.

Читайте нас:

Телефон

8(34743) 2-11-92

Адресы

452040, РБ, Бижбулякский район, с.Бижбуляк, ул. Советская, 31

Реклама хеҙмәте

8(34743) 2-12-83

Редакция

8(34743) 2-11-92

Ҡабул итеү бүлмәһе

8(34743) 2-12-82

Кадрҙар бүлеге

8(34743) 2-12-83