Айыҡлыҡ көнө менән!

Бөгөн — Бөтә донья айыҡлыҡ көнө.Ошо көн алдынан “Росстат” рәсәй халҡының алкоголь ҡулланыуҙан үлем осрағы менән тамамланған һандарҙы килтерә.

Былтыр спиртлы эсемлектәр ҡулланыуҙан һәм шуға бәйле ауырыуҙарҙан 49 мең кеше үлгән. Ун йыл элек был һан 75 мең булған. Мәҫәлән, 12276 кеше сифатһыҙ йәиһә ялған алкоголь ҡорбанына әйләнгән. Шулай уҡ спиртлы эсемлектәрҙе артыҡ күп ҡулланыуҙан барлыҡҡа килгән бауыр циррозынан 10 мең кеше үлгән.

Өч мең кеше “хроник алкоголизм” диагнозынан мәрхүм булған. 460 кешене — алкоголь панкреатиты, 270 кешене алкоголь психозы гүргә индергән.

Читайте нас