Баш ҡала халҡын Республика көнө хөрмәтенә ат-спорт байрамына саҡыралар

Төбәк Ауыл хужалығы министрлығының матбуғат хеҙмәтендә хәбәр итеүҙәренсә, байрамдың төп ваҡиғаһы ат сабышы буйынса «Ҡанатлы Ат» бәйгеһе финалы була. Алдағы дүрт этап йыл дауамында Дүртөйлө, Иглин, Дыуан һәм Баймаҡ райондары ипподромдарында уҙған.

Бынан тыш, байрам ҡунаҡтары Башҡортостандың сиктәш төбәктәренән жокейҙар һәм һыбайлылар ҡатнашыуында ат сабыштарын һәм бәйгеләр күрәсәк.

Көндөҙгө сәғәт 1-ҙә башлана.