Полицияға — экскурсияға

Осрашыу урыны — Эске эштәр министрлығының Бишбүләк районы буйынса бүлеге. Көньяҡ-Көнбайыш район-ара халыҡ мәшғүллеге үҙәгенең Бишбүләк районы буйынса дә үләт ҡаҙна учреждениеһы Эске эштәр министрлығының Бишбүләк районы буйынса бүлеге менән берлектә уҡыусыларға таныштырыу экскурсияһы ойошторҙо. Ун беренсе кластар өсөн был сара айырыуса файҙалы, сөнки улар тиҙҙән сығарылыш уҡыусылары.

Уҡыусыларҙы шәхси состав менән эшләү буйынса төркөм белгесе Динар Ғилметдинов ҡаршы алды. Ул бүлек буйынса таныштырыу экскурсияһы үткәрҙе hәм Эске эштәр министрлығының эше тураһында ентекләп һөйләне. Экскурсия барышында Динар Илгиз улы балаларға Эске эштәр министрлығы бүлегендәге бүлексәләр, вазифалар менән таныштырҙы.

Экскурсия полицияның «йөрәгенән» — барлыҡ «02» шылтыратыуҙары кергән дежур частән башланды. Балаларға ҡорал һаҡлау hәм таҙартыу бүлмәһендә айырыуса мауыҡтырғыс булды. Паспорт өҫтәле бүлегендә белгестәр паспорт әҙерләү процесын күрһәтте. ЮХХДИ-ҙың Юл хәрәкәте хәүефһеҙлеген пропагандалау буйынса инспекторы Альбина Ямаева балалар юл-транспорт травматизмын профилактикалау буйынса эш нисек алып барылыуы тураһында һөйләне. Криминаль полиция эше тураһында күп нәмә белделәр. Уҡыусылар барлыҡ бүлектәрҙә булды hәм һорауҙар бирҙе. Балалар ҙур ҡыҙыҡһыныу менән полицияның ҙур булмаған музей экспонаттары менән танышты.

Динар Ғилметдинов Эске эштәр министрлығы бүлеге хеҙмәткәре hөнәрен һайлауға етди ҡарарға, «ыңғай» hәм «ҡаршы» яҡтарын сағыштырырға кәрәк тип, билдәләне. Полиция хеҙмәткәрҙәренең эш көндәре улай уҡ романтик hәм бик яҡшы түгел. Яҡшы физик форма, бик яҡшы һаулыҡ — полиция мәктәбенә уҡырға кереүсе өсөн төп шарттар, тип иҫкә төшөрҙө. Балалар экскурсия менән ҡәнәғәт ҡалды. Бәлки улар араһында Рәсәй Эске эштәр министрлығының буласаҡ хеҙмәткәрҙәре барҙыр.

Ирина МИХАЙЛОВА.

Автор фотоһы.