4 ноябрҙә нисек ял итәбеҙ?

4 ноябрь – Халыҡтар берҙәмлеге көнө – эшләмәгән байрам көнө булып тора, тип хәбәр итә Хеҙмәт министрлығы.

Быйыл Халыҡтар берҙәмлеге көнө йәкшәмбегә тура килә. Шуға күрә йәкшәмбе 4 ноябрҙәге ял дүшәмбе 5 ноябргә күсерелә.

Йома, 2 ноябрҙә, эш көнө ҡыҫҡармай, сөнки ул байрам алды көнө түгел.

Рәсәй Федерацияһының Хеҙмәт кодексы нигеҙендә йыллыҡ төп йәки өҫтәмә түләүле отпуск бирелгәндә, 4 ноябрҙәге байрам – Халыҡтар берҙәмлеге көнө – уның иҫәбенә индерелмәй.

Тәүге тапҡыр Халыҡтар берҙәмлеге көнө 2005 йылда билдәләнде. Байрам Рәсәйҙең Хәрби дан көндәренә ҡарай һәм 1612 йылда халыҡ ополчениеһының поляк илбаҫарҙарын еңеүе хөрмәтенә булдырылған.

Читайте нас