+34 °С
Ясно
ЙӘМҒИӘТ
1 Ноября 2018, 07:11
“Башҡорт килене” сәйәхәттә
Башҡортостанда октябрь айында тәүге тапҡыр ҡатын-ҡыҙҙар өсөн “Башҡорт килене” этнотуры үтте. Ойоштороусылар ниәтләгәнсә, унда ҡатнашыусылар башҡорт халҡының аутентик мәҙәниәте сағылдырылған туристик маршрутты үтеп, өлкән быуындарҙың оҫталығын үҙләштерә.
Тур Алина Иманғолова менән Гүзәл Хәйбуллинаның башланғысы буйынса ойошторолдо. Башҡорттарҙың йолалары менән ҡыҙыҡһынған бер төркөм ҡыҙҙарҙы социаль селтәрҙәр аша йыйҙылар.
Туристик маршруттың тәүге туҡталышы Ишембай районының Кинйәбулат ауылы булды. Бында урындағы оҫтабикәләр көнкүреш, йорт хужалығын алып барыу серҙәре менән уртаҡлашты. Ҡыҙҙар өсөн аҫалы балаҫ һуғыу, бауырһаҡ бешереү буйынса оҫталыҡ дәресе үткәрҙеләр.
Ойоштороусылар киләсәктә республиканың төрлө райондарына өр-яңы маршруттар төҙөп, традицион мәҙәниәт үҙенсәлектәре менән таныштырырға ниәтләй.
