Конгресс-холл янында шыршы ҡуйылды

Салауат Юлаев майҙанына ҡуйылған шыршының бейеклеге - 28 метр. Урман ҡупшыҡайын Нуриман районынан алып килгәндәр.

Яҡын көндәрҙә шыршыны гирляндалар һәм уйынсыҡтар менән биҙәү, ә майҙанда боҙ ҡаласығын төҙөү башлана.

Икенсе төп майҙансыҡта — Ленин исемендәге майҙанда — шыршы бөгөн, 22 ноябрҙә үҙенең ғәҙәти урынын ала.

Ҡала Яңы йыл байрамына көндән-көн нығыраҡ үҙгәрә — күп кенә сауҙа предприятиелары шыршылар ҡуйған, витриналарҙы, бутиктарҙы биҙәү башланған. Кәйеф булдырыуға иллюминация ла булышлыҡ итә. Уны 25 ноябрҙә ҡабыҙыу күҙаллана.

«Башинформ» агентлығы хәбәр иткәнсә, Өфө хакимиәте Яңы йылға боҙ ҡаласыҡтары төҙөлгән урындарҙың исемлеген баҫтырып сығарҙы.

Читайте нас