+22 °С
Ясно
ЙӘМҒИӘТ
3 Декабря 2018, 08:30
Иң яҡшы волейболсылары иҫәбендә
28 ноябрҙә Өфөлә хоҡуҡ һаҡлау структуралары араһында генерал Әмир Ниғмәтйәнов исемендәге волейбол турниры тамамланды.
Ярыштарҙа 10 команда ҡатнашты, улар бер-береһе менән финалға сығыу өсөн көрәште. Һөҙөмтәлә, хәл иткес матчта Башҡортостан Республикаһы Эске эштәр министрлығы hәм Ғәҙәттән тыш хәлдәр министрлығы командалары көс һынашты, улар составында беҙҙең яҡташтарыбыҙ — Бишбүләк районы эске эштәр бyлеге начальнигы Азат Хажиев hәм Ғәҙәттән тыш хәлдәр министрлығының төбәк-ара бүлеге башлығы Алексей Данилов сығыш яһаны. Үтә лә киҫкен барған финал көрәше турнирҙың еңеүсеһен асыҡланы — уға Эске эштәр министрлығы командаһы лайыҡ булды. Ә бына бик яҡшы һөҙөмтә күрһәткән Азат Хажиев турнирҙың иң яҡшы уйынсыһы тип танылды.
Олег ЛЕОНТЬЕВ.
