Туристарға ҡаргиҙәрҙә йөрөргә рөхсәт ителде

Ҡышҡы балыҡ тотоу урындарына барырға теләгән урындағы халыҡ шундай үтенес менән мөрәжәғәт иткән.

Маршрут буйлап йөрөү өсөн ҡаргиҙәр водителенә һәм пассажирҙарына рөхсәт алырға кәрәк. Техниканың дәүләт теркәүе булмаһа, рөхсәт ҡағыҙы бирелмәй.

Беренсе маршрут: Нөгөш һыу һаҡлағысы яры буйлап «Судак» базаһына тиклем. Икенсеһе: Үрге Биҡҡужанан Йомағужа һыу һаҡлағысы буйындағы туҡталҡаларға хәтлем. Өсөнсөһө: Бөрйән районының Ырғыҙлы ауылынан Батран ыҙанына ҡәҙәр.

Маршрутты боҙған өсөн 3-4 мең һум штраф ҡаралған, тип иҫкәрттеләр милли паркта.