Бишбүләктәр Яңы йылды ҡаршыларға әҙер...

Яңы йылға һанаулы ғына көндәр ҡалды. Һәр кем был мөғжизәле мәлде түҙемһеҙләнеп көтә. Михайловка ауылының халҡының күңеле күтәренке – байрамды ҡаршы алырға әҙерлек тамамланған.

Биҙәлгән шыршы күҙ яуын алырҙай. Урындағы халыҡ ҡупшыҡай тирәләй әле үк күңел аса, фотоға төшә, уйындар уйнай, һырғалаҡта шыуа. Балалар йортондағы малай һәм ҡыҙҙар үҙҙәренең учреждениеһын биҙәргә онотомай. Шыршылағы уйынсыҡтары – ҡул эштәре һөҙөмтәһе.

Күңел асыусылар боҙ майҙансыҡтарынан тыш, һырғалаҡтарҙа ла күпләп йыйылды. Конькиҙа елдереүселәр араһында өлкәндәрҙе лә, кескәйҙәрҙе лә осратырға мөмкин.