Дим буйҙары
-16 °С
Болотло
75 лет Победы
Бөтә яңылыҡтар
ЙӘМҒИӘТ
9 Ғинуар 2019, 15:17

“"Өфө урамдары” конкурсы

Өфө ҡала Советы “Өфө урамдары” конкурсы башланыу тураһында иғлан итә. Баш ҡала халҡы ҡала урамдары, майҙандары, скверҙары исемдәренә үҙ варианттарын тәҡдим итә ала. Тәҡдим ителгән исем креатив, оригиналь, иҫтә ҡалырлыҡ булырға, ике һүҙҙән дә артыҡ булмаҫҡа, заманса рус һәм башҡорт телдәре нормаларына яуап бирергә, аһаңле булырға тейеш.

Конкурста ҡатнашыу өсөн ғариза тултырырға, урам, майҙан, скверҙар һәм башҡа адрес элементтарының 10-дан ашыу вариантын 450098, Өфө ҡалаһы, Октябрь проспекты, 120 адресы буйынса йәиһә gorsovet@ufacity.info электрон почтаһына “Конкурс” тамғаһы менән ебәрергә кәрәк.

Тәҡдимдәр 7 мартҡа ҡәҙәр ҡабул ителә. Конкурс һөҙөмтәләре апрелдә билдәле буласаҡ. Ойоштороусылар иң яҡшы алты эш авторын бүләктәр менән билдәләп үтәсәк. Еңеп сыҡҡан исемдәр Архитектор идараһына тапшырыласаҡ һәм ҡаланың яңы объекттарына исем биргәндә иҫәпкә алынасаҡ..

2018 йылдың авгусында Өфөлә “Төньяҡ амурҙары” урамы барлыҡҡа килде. Ҡала Советы ултырышында депутаттар Башҡортостан башҡалаһында йәшәүсе Йомадил Йомағуҗин инициативаһын хупланы, ул “Өфө урамдары” конкурсында еңеүселәрҙең береһе булды