Йыл әйләнәһенә ял итеп буласаҡ

Быйыл Ҡырымда 2017 йылда Башҡортостанға тапшырылған “Юбилей” шифаханаһында реконструкция башлана. Эш тамамланғас, 2021 йылда Ҡара диңгеҙ буйында ял итеү һәм дауаланыу өсөн 400-500 урынлыҡ заманса шифахана барлыҡҡа киләсәк.

Башҡортостан һәм Ҡырым делегацияларының осрашыуында шифахана директоры Ренат Ғәлимов өр-яңы корпустар төҙөләсәге тураһында һөйләне. Реновацияға 800 миллион һум самаһы аҡса тотоноу күҙаллана.

– Икенсе этапта шифаханала бассейны һәм термаль һыуҙары булған заманса дауалау-һауыҡтырыу комплексы сафҡа индереләсәк. Унда алдынғы дауалау-диагностика алымдарын файҙаланыу, спа-процедуралар үткәреү, фитнес менән шөғөлләнеү өсөн шарттар тыуҙырыу ҡарала. Яңыртылған шифахана йыл әйләнәһенә эшләйәсәк, – тине Ренат Ғәлимов.

Читайте нас