Дим буйҙары
+29 °С
Болотло
75 лет Победы
Бөтә яңылыҡтар
ЙӘМҒИӘТ
12 Февраль 2019, 21:27

Үҫмерҙе урманда ағасҡа бәйләп киткәндәр...

Уҙған йылдың октябрендә Бәләбәй районының бер ауылында үҫмер малайҙы урлап алып китеү осрағы буйынса тикшереү эше тамамланды һәм енәйәт эше судҡа ебәрелде.


Тикшереүселәр асыҡлауынса, уҙған йылдың 19 октябрендә үҙенең ишек алдында машинаһын төҙәтеп йөрөгән ирҙең салондан кеҫә телефоны юғала. Ул шунда уҡ полицияғә хәбәр итә һәм, уғрылыҡта 13 йәшлек күрше малайын ғәйепләп, ғариза яҙа.

Әммә биш көндән һуң, телефонды эҙләү бик һүлпән барғанлыҡтан, ул малайға үҙе яза бирергә ниәтләй

Бер танышы менән малайҙы башта "дөреҫөн" һөйләтергә тырыша. Үҫмерҙән "мин урланым" тигән һүҙҙе ишетә алмағас, уны машинага ултыртып, урманга алып китәләр. Унда иһә баланың ауыҙына сепрәк тығып, үҙен ағасҡа бәйләп китәләр...

Бәхеткә, малай, бауҙан ысҡынып, ауылға ҡайта. Тикшереү барышында ирҙәр үҙ ғәйептәтрен танымай.
Читайте нас в