Хистәреңде белдер һәм бүләк от

Бәйгенең шарттары ябай. Социаль селтәрҙәрҙә үҙеңдең сәхифәңә #влюбисьвЕР тигән хэштег менән пост һалырға, унда үҙеңдең иң яҡын кешеңә хистәреңде белдерергә кәрәк. Мотлаҡ икенсе яртығыҙға түгел, бәлки, һеҙ әхирәтегеҙҙе, ағайығыҙҙы, хеҙмәттәшегеҙҙе, Тыуған илегеҙҙе йәки йортоғоҙҙо яратаһығыҙҙыр. Үҙенсәлеклек тә балдар өҫтәйәсәк – шиғырҙар, видеояҙмалар, һүрәттәр булыуы ихтимал.

Еңеүселәр бер нисәү буласаҡ! Улар Өфө театрҙарына, “Салауат Юлаев” хоккей клубы, “Өфө” футбол клубы, “Урал” волейбол клубы уйындарына, концерттарға билеттар менән бүләкләнәсәк. Төп приз – ҡала ресторандарының береһенә ике кешелек романтик киске табын.

"Башҡортостан гәзите"нән.