Дим буйҙары
-21 °С
Болотло
75 лет Победы
Бөтә яңылыҡтар
ЙӘМҒИӘТ
19 Февраль 2019, 20:05

Түңәрәкләрҙә шөғөлләнеү бушлай буласаҡ

Яңы уҡыу йылынан республикала өҫтәмә белем биреүгә электрон сертификаттар индерелә.

Төбәктең Мәғариф министрлығында был яңылыҡ түңәрәктәргә һәм секцияләрға йөрөүсе балаларҙың һанын арттырасаҡ, тип белдерәләр.

Рәсми статистика күрһәтеүенсә, бөгөн мәктәп уҡыусыларының 78,5 проценты төрлө өҫтәмә дәрестәргә йөрөй. Был һандың дөрөҫмө-юҡмы икәнлеген яңы электрон система эшләй башлағас әйтергә мөмкин буласаҡ.

Ата-әсәләр, әлеге программаға теркәлеп, онлайн-режимда балаһына иҫәптә күпмелер һум аҡса булған электрон документ булдыра ала. Был сертификатты өҫтәмә дәрестәргә, шахмат, бассейн һәм башҡа түңәрәктәргә түләү өсөн генә ҡулланып була.

— Ата-әсәләргә электрон системала баланың ҡайҙа йөрөйәсәген билдәләргә генә кәрәк буласаҡ. Унда төбәк бюджетынан өҫтәмә дәрестәр өсөн түләүҙәр йүнәлтеләсәк. Әгәр бала түңәрәкте ташлаһа, түләүҙәр шунда уҡ туҡтатыла. Ә ҡалған аҡсаны башҡа түңәрәктәр өсөн тоторға мөмкин буласаҡ, — ти мәгариф министры вазифаһын ваҡытлыса башҡарыусы Айбулат Хаҗин.