“Сообщи, где торгуют смертью” акцияһында һәр шылтыратыу, һәр хәбәр мөһим. Сөнки наркотиктар таралыу менән көрәштә мәғлүмәт иң һөҙөмтәле сара булып ҡала. Наркотиктар әйләнешен контролдә тотоу идараһы хеҙмәткәрҙәренә әйтер һүҙегеҙ булһа, һеҙҙе теләһә ниндәй полиция бүлегендә ҡабул итәсәктәр. Шулай уҡ Башҡортостандың Эске эштәр министрлығында Ышаныс телефоны эшләй. Теләгән һәр кем 8(347) 279-32-92 номерын йыйып, наркотиктарҙың таралыуы, кемдең дә булһа тыйылған матдәләр ҡулланыуы, притондар ойоштороп ятыуы тураһында хәбәр итә ала.
Бар мәғлүмәт тә тикшереләсәк, бер шылтыратыу ҙа иғтибарһыҙ ҡалмаясаҡ. Анонимлыҡ гарантиялана. Сараны ойоштороусылар – Башҡортостан буйынса Эске эштәр министрлығының наркотиктар әйләнешен контролдә тотоу идараһы хеҙмәткәрҙәре – граждандарҙың актив социаль позицияһына өмөтләнә.