Ике яҡташыбыҙ Рәсәйҙең билдәле 50 ҡатын-ҡыҙы исемлегенә инде

. Өфөлә тыуып үҫкән ике яҡташыбыҙ билдәле 50 гүзәл зат вәкиле исемлегенә инде. Һигеҙенсе урында — Рәсәйҙең Үҙәк банкы рәйесе Эльвира Нәбиуллина (бер йылда киң мәғлүмәт сараларында хәбәрҙәр һаны — 66 274). Рок-йырсы Земфира 48-се баҫҡыста тора (12 174 хәбәр).

Рейтинг лидерҙары — Рәсәй дипломаты, Сит ил эштәре министрлығы вәкиле Мария Захарова (158 474 хәбәр), Рәсәй сәйәсмәне, журналист Ксения Собчак (135 265) һәм телевидение алып барыусыһы Ольга Бузова (118 566).

Медиарейтинг 49 меңдән ашыу сығанаҡты (ТВ, радио, гәзит-журналдар, мәғлүмәт агентлыҡтары, интернет киң мәғлүмәт саралары) үҙ эсенә алған «Медиалогия» системаһы нигеҙендә Рәсәй киң мәғлүмәт сараларында баҫылған хәбәрҙәр һаны буйынса төҙөлгән.

Башинформ.