Медицина даими үҫергә тейеш

Бөгөн Федерация Советында Социаль сәйәсәт комитетының ултырышы булып үтте. Унда Башҡортостан делегацияһы ла ҡатнашты.

Төп доклад менән республика һаулыҡ һаҡлау министры вазифаһын башҡарыусы Максим Забелин сығыш яһаны.

Ул Башҡортостандағы видеобәйләнеш ярҙамында дистанцион консультациялар үҙәге эшсәнлеге, ҡан баҫымы тураһында дистанцион мониторинг үткәреү һәм башҡа башланғыстар тураһында һөйләне.

Дәүләт Йыйылышы-Ҡоролтай рәйесе Константин Толкачев Республика кардиология үҙәгендә яңы хиругия корпусы төҙөлөү, башҡа корпустарҙы төөҙөкләндереүҙең ҙур әһәмиәткә эйә булыуын әйтте. Бынан тыш, балаларға медицина ярҙамы күрһәтеүгә бағышланған федераль проектта ҡатнашыу ҙа беҙҙәге медицинаның үҫешеүен күрһәтә.

"Ҡыҙыл таң" гәзите.