Ҡаҙағстан баш ҡалаһының исеме Нурсолтанға алыштырыла

Ҡаҙағстандың яңы Президенты Ҡасим-Жомарт Токаев Парламент палаталары ултырышында илдең беренсе Президенты Нурсолтан Назарбаев хөрмәтенә республика баш ҡалаһын Нурсолтан тип атарға тәҡдим итте.

“Бөйөк замандашыбыҙ, Ҡаҙағстан Республикаһының беренсе Президенты Нурсолтан Назарбаев исемен мәңгеләштерергә кәрәк тип һанайым: беҙҙең башҡалабыҙ Президентыбыҙ исемен йөрөтөргә һәм Нурсолтан тип аталырға тейеш, — тине Ҡасим-Жомарт Токаев. - Барлыҡ өлкә ҡалаларының үҙәк урамдарын Нурсолтан Назарбаев исеме менән атарға кәрәк тип һанайым.

Ул, шулай уҡ, билдәләп үтеүенсә, илдең беренсе Президенты ғүмер буйы “халыҡтың атаһы” булып ҡаласаҡ.

Читайте нас