Дим буйҙары
-13 °С
Болотло
75 лет Победы
Бөтә яңылыҡтар
ЙӘМҒИӘТ
20 Март 2019, 13:50

Кемдәр төндә ашай?..

Рәсәйҙә һәр бишенсе кеше (22 процент) йоҡлар алдынан ашауҙан баш тарта алмай. Төндә ныҡ итеп ашап ятырға яратыусы ирҙәр ҡатын-ҡыҙҙарға ҡарағанда күберәк икән. Был мәғлүмәттәр "Росстат" үткәргән тикшереүҙә асыҡланған.

Һорау алыуҙа ҡатнашыусы ирҙәрҙең - 8,2 проценты һәм ҡатын-ҡыҙҙарҙың 3,3 проценты ҡорһаҡ тултырып йоҡларға ятыуҙарын раҫлаған. Ә бына 31 процент ҡатын-ҡыҙ һәм 19 процент ирҙәр бер ҡасан да йоҡлар алдынан ашамай икән.

Белгестәр үҫмерҙәр һәм йәштәрҙең өлкәндәргә ҡарағанда төндә ашарға нығыраҡ яратыуын асыҡлаған.

Шуныһы ҡыҙыҡ – йоҡлар алдынан ашарға яратыусылар араһында үҙ бизнесы булғандар бюджет ойошмаларында эшләүселәргә ҡарағанда күберәк икән.

" Ҡыҙыл таң гәзитенән".
Читайте нас в