Дим буйҙары
+19 °С
Болотло
Бөтә яңылыҡтар
ЙӘМҒИӘТ
27 Март 2019, 20:49

Тракторҙарҙы техник ҡарау башланды

Районда 12 марттан алып 27 мартҡа тиклем төрлө милек формаһындағы ауыл хужалығы предприятиелары өсөн тракторҙарға һәм уларға тағылмаларға йыл һайын үткәрелә торған техник ҡарау уҙғарыла.

Уны яҙғы баҫыу эштәре башланыр алдынан үҙйөрөшлө машиналарҙың һәм тракторҙарҙың техник торошона күҙәтеү буйынса район дәүләт инспекцияһы уҙғара. Техника торошон ҡарауға тәүгеләрҙән булып С.Юлаев исемендәге, “Марс”, “Октябрь”, кооперативтары,“Дим”, “Искра” һәм “Йылбулаҡтамаҡ” йәмғиәттәре тракторҙары теҙелде.

Район дәүләт техник күҙәтеү инспекцияһы башлығы Эдик Григорьев, инспекцияның белгес-эксперты Алһыу Хәлилова һәм район ауыл хужалығы идараһының баш инженеры Виталий Ерофеев составындағы комиссия Киров исемендәге кооперативта булды. Машина паркында 21 тәгәрмәсле һәм сылбырлы трактор әҙерлек һыҙығына баҫты. Уларҙы ҡарауҙан комиссия ағзалары ҡәнәғәт ҡалды.

Кировтар тракторҙарҙың сәсеү кампанияһына әҙерлеген тикшереүгә етди һәм яуаплы ҡарай, - ти хужалыҡтың баш инженеры Александр Тихонов. – Сәсеү техникаһының үҙен нисек күрһәтеүенә үҫемселек тармағында һәм малсылыҡтағы һуңғы һөҙөмтәгә бәйле буласаҡ бит. Механизаторҙар һаны күп түгел, әммә ышаныслы. Иң яңы МТЗ-82 тракторына ла ун йыл инде. Шуға күрә, эшкә һәм беркетелгән техникаға намыҫлы ҡараш ҡына эште тейешенсә башҡарырға мөмкинлек бирәсәк. Кадрҙар етешмәүе йылдар үтеү менән нығыраҡ һиҙелә, әммә әлегә хәлдән сыға киләбеҙ. Бәләбәй колледжы уҡыусылары сәсеү ваҡытында яҡшы ярҙам күрһәтә.

Механизаторҙарҙың уҡыуын һәм техник ҡарауға әҙерләүҙе хужалыҡ механигы Дмитрий Иванов яҡшы ойоштора. Тәҡдим ителгән техниканың 75 проценты тәүге тапҡырҙан уҡ техник ҡарау үтте. Ә етешһеҙлектәр асыҡланған техника өсөн ҡабат тикшереү буласаҡ.

Техник ҡарау район юл-ремонт-төҙөлөш идараһы, “Тепловик” предприятиеһы, Бәләбәй ауыл хужалығын механикалаштырыу һәм электрлаштырыу колледжының Бишбүләк ауылы филиалында буласаҡ. 18 апрелдән шәхси секторҙағы тракторҙарға һәм үҙйөрөшлө машиналарға техник тикшереү башланасаҡ.

Владимир Смолов,

Автор фотоһы.
Читайте нас: