+15 °С
Дождь
ЙӘМҒИӘТ
29 Марта 2019, 18:23
"Ер сәғәте" акцияһы уҙа
Ошо шәмбелә, 30 мартта, һеҙгә бер сәғәткә, киске 9-сы яртынан 10-сы яртыға тиклем, утты һүндерергә кәрәк.
Ни өсөнмө? Йыл һайын марттың һуңғы шәмбеһендә донъяла «Ер сәғәте» акцияһы уҙа. Маҡсаты ябай – планетала йәшәүселәр экология проблемаларына иғтибарҙы йәлеп итеү өсөн урындағы ваҡыт буйынса киске 9-сы яртыла утты һәм бөтә электр приборҙарын бер сәғәткә һүндерә. Акцияны Бөтә донъя ҡырағай тәбиғәт фонды уйлап тапҡан.
Әгәр һеҙ Өфөлә йәшәйһегеҙ һәм ҡараңғыла өйҙә ултырырға теләмәйһегеҙ икән, фонариктар менән уҙышҡа ҡушыла алаһығыҙ. Балалар һәм дүрт аяҡлы дуҫтар менән килергә мөмкин. Старт - киске 9-сы яртыла Ҡунаҡһарай янында.
Онотмағыҙ! Шәмбе, киске 9-сы яртыла. Утты һүндерегеҙ!
"Башҡортостан" гәзите.
