Беҙҙең уҡыусыларҙы Япония вуздары көтә

Япония Мәғариф министрлығы ҡарары буйынса, Рәсәй мәктәптәрендә 11 йыл белем алған сығарылыш класс уҡыусылары мәктәп тамамлау менән был илдең юғары уҡыу йорттарына уҡырға инә аласаҡ.

Был турала Японияның Рәсәйҙәге Илселегенең социаль селтәрҙәрҙәге яҙмаһында хәбәр ителә. Билдәләп үтелеүенсә, был ҡарар Япония вузына уҡырға барырға уйлаған абитуриент өсөн уҡырға кереү процедураһын еңеләйтә һәм ваҡытын экономиялай.

Әлегә тиклем унда ҡабул итеү имтиханында ҡатнашыу өсөн 12 йыллыҡ белемдең булыуы мотлаҡ ине.

"Ҡыҙыл таң" гәзитенән.