Дим буйҙары
-10 °С
Болотло
75 лет Победы
Бөтә яңылыҡтар
ЙӘМҒИӘТ
2 Апрель 2019, 19:44

Бер йән булып йәшәйҙәр

23 февралдә Хатим Сәйфетдин улы үзенең 90 йәшлек юбилейын билдәләп үтте, ә уның тоғро һәм яратҡан ҡатыны Гөлсирә Фәтхетдин ҡыҙына сентябрҙә шундай уҡ түңәрәк датаны билдәләп үтәсәк.

Был өлкән йәштәге һәм хөрмәтле кешеләрҙе 1974 йылда оло улдары Малик Солтанов менән дуҫлашҡандан бирле, инде 45 йыл беләм. Беҙ ул саҡта йәштәр инек, икебеҙ ҙә Бишбүләк ауыл хужалығы техникаһы ойошмаһында машина йөрөтөүселәр булып эшләй инек. Һәм хәҙер дуҫлыҡты дауам итәбеҙ.

Ғаилә башлығы Хатим Солтанов “Восток” колхозынында хеҙмәт итеүселәрҙең ҙур ғаиләһендә тыуа, унда бер-бер артыл биш малай һәм бер ҡыҙ үҫә. Үҙенең йәштәштәре менән хатим Бик иртә физик хеҙмәткә өйрәнә. Ул колхоз көтөүен көтә, өлкәндәргә баҫыу эштәрендә дауам итә. Ул ваҡытта “Восток” колхозы бер йәшәү пунктынан тора.үҙ балансында ауыл хужалығ ытехникаһы шаҡтай була: СК-3 үҙ йөрөшлө иген йыйыу комбайндары һәм тракторҙар менән автомобилдәр. Хатимды һәр ваҡыт техника үҙенә йәлеп итә. Быны күреп, колхоз идараһы урып-йыйыу осоронда малайҙы комбайнсы ярҙамсыһы итеп саҡыра. Урындағы оҫта механизаторҙарҙан практик дәрестәр алып, Хатим Солтанов иген һуҡтырыу комбайндарында тырышып эшләй һәм юғары күрһәткестәргә ирешә. Әммә уға механизатор һөнәрен дауам итергә тура килмәй. 1974 йылда бригада тимерлеге оҫтаһыҙ ҡала. Ул ваҡытта хәҙер инде М.Ғафури исемендәге берләштерелгән колхоз алдынғы була һәм өс ауылдан тора. Тимерлекһеҙ машина паркы тынып ҡалғандай була. Шулай итеп, Хатим Сәйфетдин улы тимерселек эшенә керешә. Ул саҡта уның менән яҡынданыраҡ таныштым да инде. Уның тракторсы, комбайнсы һәм машина йөрөтөүселәрҙән заказдар ҙа күп була торғайны. Уның ҡулдары алтын ине: тимер менән пластилин менән эшләгән кеүек эшләне. Сөнки 1947 йылдан алып армияға саҡырылғансы, тимерсе булып эшләгән. Хатим Сәйфетдин улы хаҡлы ялға сыҡҡансы, тимерсе булып эшләгән. Хеҙмәт ветераны һәм социалистик ярыштарҙа күп тапҡырҙар еңеүсенең күкрәк билдәләре һәм миҙалдары аҙ түгел.

Гөлсирә Фәтхетдин ҡыҙының хеҙмәт биографияһы күп осраҡта иренең тарихына оҡшаш. 1954 йылдан уларҙың тормошо тығыҙ үрелеп бара: 65 йыл элек сибәр егет менән ҡыҙ ғаилә ҡорорға ҡарар итә. Ул шул йылдар дауамында ғаиләлә йылы мөхит тыуҙыра, өйҙө таҙалыҡта һәм тәртиптә тота, колхоз эшендә лә ең һыҙғанып эшләгән ябай ауыл ҡатыны алдынғылар рәтендә була. Изге күңелле Гөлсирә апай алты балаһына хәстәрлекле әсә лә була.

Солтановтар ғаиләһе ҙур юбилей тантаналарын бергә көҙөн, яңы уңыш өлгөргәндән һуң үткәрергә йыйына. Уларҙың бөгөн дә киләсәккә өмөт менән ҡарап, бер-береһен ярты һүҙҙән аңлап йәшәй.

Наил Салауатов,

Бишбүләк ауылы.
Читайте нас в