+20 °С
Облачно
ЙӘМҒИӘТ
4 Апреля 2019, 11:38
Баш ҡала мэрияһы «Таҙа Өфө» акцияһын иғлан итте
25 марттан 11 майға тиклем Өфөлә ҡала биләмәһен санитар таҙартыу, төҙөкләндереү һәм йәшелләндереү буйынса яҙғы айлыҡ бара. Йола буйынса, аҙна һайын «санитар йомалар» ойошторола.
Баш ҡала хакимиәте 6,13 һәм 27 апрелдә дөйөм ҡала өмәләре осоронда «#ТаҙаӨФӨ2019» акцияһын уҙғарыу тураһында иғлан итте. Унда теләгән һәр кем ҡатнаша ала.
Бының өсөн дөйөм ҡала өмәләренең береһендә ҡатнашырға һәм өмәлә төшкән фотоны #ТаҙаӨФӨ2019 хэштегы менән «Instagram» социаль селтәренә һалырға кәрәк.
Һәр өмәнең йомғаҡтары буйынса иң күп тауыш (лайк) йыйған ете еңеүсе билдәләнә. Уларға ойоштороусыларҙан бүләктәр тапшырыла.
Башинформ.
