Штрафка эләкмәгеҙ!

Рәсәйҙә “бысраҡ” автомобилдәр өсөн сикләүҙәр бар. Күптән түгел юл хәрәкәте ҡағиҙәләренә яңы закон өҫтәлде.

Унда бысраҡ газдар сығара торған транспортҡа сикләүҙәр яҙылған. Был “Евро-0”, “Евро-1” һәм “Евро-2” класлы двигателле автомобилдәргә ҡағыла. Иғтибарлы булығыҙ, ҡарарға нигеҙләнеп, юл билдәләре ҡуйыласаҡ.

Шул иҫәптән “Механик транспорт сараларының экологик кластарын сикләү зонаһы” билдәһе лә билдәләнгән. Әлеге юл билдәһе ҡуйылған урында тейешле күрһәткестәрҙән түбән булған экологик класлы автомобилдәр хәрәкәте тыйыласаҡ. Был сикләүҙәр экологик хәл насар райондарҙа индереләсәк. Ундай автомобилдәр исемлегенә “Жигули” һәм “Лада Самара” керетелгән. Юл билдәһенә буйһонмаған автомобиль йөрөтөүселәргә 500 һум штраф һалыныуы мөмкин.

"Ҡыҙыл таң" гәзитенән.

Читайте нас