Дим буйҙары
-24 °С
Болотло
75 лет Победы
Бөтә яңылыҡтар
ЙӘМҒИӘТ
21 Апрель 2019, 11:40

Тармаҡта артыҡ кеше юҡ

Мәғлүм булыуынса, сираттағы “Сәләмәтлек сәғәте”ндә республика етәксеһе Радий Хәбиров баш табиптарҙың 178 урынбаҫарын ҡыҫҡартыу ҡарары тураһында әйткәйне.

Һөҙөмтәлә экономияланған аҡсаны табиптарҙың, медицина персоналының эш хаҡын күтәреүгә йүнәлтеү бурысын ҡуйҙы ул.

Был ҡарарға аңлатма биреп, республика һаулыҡ һаҡлау министры вазифаһын башҡарыусы Максим Забелин “Фейсбук”тағы сәхифәһендә үҙгәртеп ҡороу тигәндә, күпләп эштән ебәреү маҡсаты күҙ уңында тотолмауын белдерҙе.

“Киреһенсә, беҙ тармаҡта артыҡ кеше юҡлығына инанғанбыҙ. Ә бына талантлы медицина белгестәрен административ-идара мәшәҡәттәренә аяҡ-ҡулы менән бәйләгән артыҡ вазифалар бар, – тине етәксе. – Беҙҙең бурыс – һәр белгестең үҙ көсөн пациенттар мәнфәғәтенә йүнәлтеүен тәьмин итеү”
Читайте нас в